Ex Directora di IPA Ava Thode tin plannan pa sigui traha pa comunidad

Despues di a traha na IPA como directora pa basta aña, Ava Thode tin plan pa sigui traha pa comunidad. E ta conta cu trabao ta tremendo y yen di reto. Maestronan di scol y hendenan ta envolvi den enseñansa semper tin un pasion. Un pasion cu ta laga nan sigui traha den e profesion aki. Aki dos siman, Thode ta bay y e directora adhunto, sra. Richardson, kende a comparti tur e experiencianan durante basta aña na IPA, lo sigui cu e trabao. E tin tur fe y confiansa cu IPA lo sigui riba e bon caminda y hasta mehora unda mester mehora.
Thode a splica cu e no lo bay sosega ainda y e tin hopi tempo. Prome si e ta bay haci algun cos personal, pero ya e tin algun idea pa cuminsa cu retonan nobo. Tambe riba e tereno caritativo, pasobra IPA tin biaha ta tuma tur tempo, bo ta eynan mainta y anochi y e lo ta desea di haci algun trabou riba otro tereno, mas tanto boluntario. Tambe e lo kier sigui riba tereno profesional, pero naturalmente cu proyectonan di dje hunto cu otro hende cu ta pensioen tambe.

Comments

comments