Diamars den Corte di husticia tabatin e caso di e ex director di Serlimar sr Hensley Davelaar, el a perde su cas contra di e compania. Momento cu e compania a dicidi di dun’e su retiro, Davelaar a bay corte pa e compania y a exigi pa page e resto di su contract. Esaki ta debi cu a kite prome cu su tempo y aki e abogado di Serlimar durante di e caso a splica e motibo pa cual a kite for di e puesto di director. E motibo ta pasobra e no a cumpli pa drecha e sistema di incasso di Serlimar y aki tabata existi hopi caos y hasta reclamonan.
Den e contracto cu Davelaar a pidi’e specificamente pa drecha e situacion y percura pa placa cuminsa drenta manera debe ser, pero a constata cu despues di dos aña di su trabou nada no a cambia y e departamento di incasso a haya su atencion. E minister e tempo ey sra Marisol Lopez Tromp encarga cu Serlimar a constata cu nada a keda haci y a decidí di haci uso di e clausula poni den e contract cu cada un di nan tin e derecho pa kibra e contracto prome cu tempo, cu basta duna un luna di opzeggingstermijn y esaki ta loke hunta di supervision a haci.
Davelaar a bay corte y tur cos a sali malo pa su persona debi cu tur su demandanan a wordo rechasa y awo tin un debe di 8 mil florin pa paga e gastonan di corte como esun cu a perde e caso.