NEW JERSEY, Merca – Parce cu por fin Michelle Rounds a logra su meta y a kita su bida. E ex casa di Rosie O’Donnell a wordo haya morto dialuna ultimo, den su apartamento. E tabata tin 46 aña di edad y aparentemente el a suicida, segun e medio Mericano TMZ a reporta.
“Ta hacimi tristo di sa di e teribel tragedia aki,” O’Donnell a menciona den un comunicado publica pa People. E enfermedad mental ta un problema hopi serio cu ta afecta hopi famia. Mi pensamento y mi oracionnan ta bay pa e famia di Michelle, su casa Krista y su yiunan.”
Rounds tabata casa cu O’Donnell for di 2012 pa 2014, shete luna despues di a casa, e pareha a adopta un mucha muhe cu nan a yama Dakota. Tras e separacion, e custodia a wordo otorga na e comediante, cu kende e ta biba te na e fecha.
E muhe a purba di suicida na September 2015 cu un sobredosis di pildo. Danki na e actriz, kende a keda cun’e na telefon mientras cu ayudo tabata na caminda. El a wordo hiba na un hospital di New Jersey y a logra recupera. E no tabata tin suerte na e ocasion aki.
Di su banda, e mama di Michelle Rounds tambe a bisa respecto e morto di su yiu muhe, dunando di compronde cu e morto aki tabata uno auto infligi.
“Si un hende kier duna na e Prevencion Nacional di Suicidio, tambe esaki lo wordo hopi aprecia. Tin asina hopi rond riba e mundo aki cu tin nan demoñonan, cu nan ta pensa cu suicidio ta e unico salida,” e mama di Rounds a publica riba su cuenta di Facebook.
Na e momentonan aki, ta desconoce si lo bay tin un investigacion policial pa determina e causa di e morto.
Fuente: www.peoplenespanol.com