WASHINGTON, D.C., – Merca- George Papadopoulos cu a fungi como un di e conseheronan den materia di politica exterior di e actual president Mericano, a admiti di a gaña FBI tocante su contacto cu un profesor Ruso, cu ta un persona cercano di e gobierno di Vladimir Putin.
Un ex consehero di politica exterior di e campaña di Donald Trump, a acepta di e traha cu representantenan di e gobierno Ruso durante e campaña electoral di e actual Presidente Mericano, Donald Trump.
Dialuna a sali na claridad cu George Papadopoulus, kende na su momento a recomenda pa Trump reuni cu lidernan halto Ruso durante di campaña, a declara su mes culpabel dia 5 di October di a duna declaracion falso durante un entrevista cu FBI.
Papadopoulos ta cooperando cu e investigacion di Muller y den su acusacion e ta menciona un supervisor di campaña no identifica cu tambe tabata na altura di e contacto cu e Rusonan.
Den un declaracion di Papadopoulus publica dialuna den un tribunal federal di Washington, fiscalnan ta describi con Papadopoulos tabata fungi como persona di contacto entre e campaña di Trump y funcionarionan Ruso, incluyendo e presidente Ruso, Vladimir Putin.
Papadopoulos tabata un di e cinco conseheronan di politica exterior di e campaña di Trump.
Un profesor di London no identifica a tuma contacto cu Papadopoulos na 2016, afirmando cu e tabata tin informacion perhudicial riba Hillary Clinton, segun e presentacion den Corte. E profesor a bisa di tin coneccionnan sustancial cu funcionarionan di e gobierno Ruso.
Papadopoulos a reuni cu e profesor na London rond di 21 di Maart 2016, segun ministerio Publico. E profesor a tree un muhe di nacionalidad Ruso y a presenta esaki an Papadopoulus como famia di Putin.
Diez dia despues, segun e acusacion, Papadopoulos a asisti na un “reunion di siguridad nacional”, caminda cu Trump tambe a asisti. Papadopoulus a bisa di tin coneccionnan cu lo por wordo uza pa organisa un reunion entre Trump y Putin, segun e acusacionnan.
E ciudadano Ruso no identifica a cuminsa comunica su mes cu Papadopoulos despues di e reunion. “Manera ya nos a bisa, nos tur ta entusiasma cu e posibilidad di un bon relacion cu Sr. Trump”, el a scirbi den un emial di April 2016, divulga pa ministerio publico.
“Federacion Ruso lo ta contento di duna un cordial bon bini una bes cu su candidatura woredo anuncia oficialmente”.
E tempo ey tambe, segun ministerio publico, Papadopoulos a manda un email pa un funcionario halto di e campaña di Trump, “pa discutir e interes di Rusia den ricibi Sr. Trump. Nos ta hayando hopi yamadanan telefonico den e ultimo luna, caminda ta expresa e deseo di Putin di ricibi tanto Trump como su ekipo, na e momento adecua”.
Algun dia despues, Papadopoulos a gradici e profesor su “yudansa vital” pa a organisa un reunion entre e asistentenan di campaña y e gobierno Ruso, y el a bisa: “Si esaki tuma luga, e lo ta algo historico”, segun ministerio publico.
Papadopoulos a wordo aresta despues di e yega na e aeropuerto internacional di Dulles dia 27 di Juli 2017.
E dia prome, agentenan di FBI a duna ordo pa haci un inval den cas di Paul Manafort na Virgina, caminda cu nan a save filenan gesaved riba e computer di Manafort.
E cargonan contra funcionarionan halto di e campaña di Trump ta señala un fase nobo y dramatico di e investigacion amplio di Mueller riba e posibel contacto entre e gobierno Ruso y miembronan di e ekipo di campaña di Trump, como tambe e posibel obstruccion di husticia y delitonan financiero.
Gates di 45 aña, ta un socio pa hopi tempo di Manafort, di 68 aña. E pareha aki a traha hunto desde e decadanan di 2000 y Gates a desempeña comp ayudante di Manafor durante campaña.
Dialuna, Manafort a entrega su mes na autoridadnan acusa di conspiracion contra di Merca y labamento di placa.
E acusacionnan aki ta e promenan deriva di e investigacion cu e fiscal Mueller ta dirigi ariba e lasonan entre e campaña di Trump y Rusia.
Manafort y su ex socio Rick Gates a entrega nan mes na autoridadnan federal.
Fuente: http://edition.cnn.com/