SEATTLE, Washington – Un storia hopi straño na Seattle. Eynan un homber a pidi divorcio di e muhe, cu kende e tabata tin relacion cun’e, for di tempo e tabata tin 12 aña. E muhe na e momento ey, tabata su juffrouw di scol y 24 aña mas bieu cun’e mes.
Ta trata aki di Vili Fualaau, di 33 aña, segun CBS News, kende kier divorcia di Mary Kay Letourneau. Na e momentonan aki e tin 55 aña. Segun CBS, e pareha tin dos yiu muhe hunto.
Gara
E caso di abuso a sali na cla na 1997, ora cu polis a haya un tip. Un testigo lo a mira e docente cu su studiante teniendo relacion sexual den un bus. Letourneau a wordo condena pa tin relacion sexual cu un menor di edad. Na e momento ey e tabata casa ainda y tabata tin cuater yiu.
Casi 12 aña casa
Letourneau mester a bay 7 aña y mey den prizon, pero a keda tene contacto cu Fualaau. El a duna luz na su dos yiu muhenan den prizon.
Tempo cu Letourneau a sali liber na 2005, nan a dicidi pa casa cu otro. E tempo ey, Letourneau tabata tin 44 y Fualaau 22. Nan a keda casi 12 aña casa.
Fuente: www.rtl.nl