Minister di Husticia, mr. Arthur Dowers tabata na e reunion tradicional di Justice in Practice II, pa cual e ta splica.
Ministerio di Husticia ultimo 2 añanan a bin ta organisa e reunion di Justice in Practice II, dunando informacion na tur e gremionan. A duna informacion tocante e ultimo desaroyonan tocante criminalidad, kico loke mester tene cuenta cun’e y door cu ta e prome reunion di e aña aki, a duna cifranan di aña pasa.
A haci tambe analisis di e situacion di criminalidad y e rasonnan pakico tin tanto criminalidad, haciendo uzo di un criminologo independiente. Un di e cosnan cu a wordo acentua, cu ya a bin ta haci, cual ta “Evidence Base Crime Prevention” y un di e cosnan importante den esaki, ta pa bringa crimen mester di evidencia. Y aworaki, autoridadnan ta trahando cu evidencia.
Pa hopi aña., segun Sr. mr. Athur Dowers, pa hopi aña no tabata tin cifranan disponibel di criminalidad. Pero aworaki nan ta hopi bon documenta. Y ta uza e cifranan pa no bisa solamente kico a pasa, pero dicon el a pasa.
Si uza e parti di atraco como ehempel, ta mira cu tin atraco ta tuma luga, por mira ken ta haci esaki y cua ta e grupo. Si ta hobennan local ta comete atraco, e approach ta diferente, tin hopi otro cosnan pa haci tambe. Si ta hendenan cu ta bin di afo, mester sa di unda nan ta bin. Hopi biaha ta wordo papia cu no tin maneho, pero pa traha maneho drechi, mester tin informacion for di e field.
Minister di Husticia, mr. Arthur Dowers ta sigui bisa, cu aworaki tin dato cu ta confiabel y cu por wordo uza pa bringa criminalidad y pa traha e maneho di futuro, dirigibel y prevenibel.
Basa ariba e maneho, kico ta e risiconan cu ta core, ta uza e medionan tambe. Esey ta parti di proceso di profesionalisa bo institutonan. P.e. si tin hopi atraco ta wordo comete door di hobennan, mester uza mas medio pa deal cu e hobennan akinan, na luga di inverti p..e den un helicopter of un radar extra.
Si ta mira, cu ta hendenan cu ta bin y ta crusa frontera, ta uza mas den e direccion ey. Den un forma responsabel, aworaki ta haci tal escogencia, y esaki ta wordo haci. Segun mr. Arthur Dowers a bisa cu tin union entre e departamentonan, basa ariba datonan di 2017 ta conclui cu departamentonan cu no ta traha hunto cu departamentonan cu no ta ni funciona, nos ta mas miho para. Pero semper lo tin retonan ora ta traha hunto cu otro, Minister di Hustica, mr. Athur Dowers, a finalisa bisando.