E evento di reciclahe ta wordo teni ya pa 15 aña caba, pero ta durante e ultimo 3 pa 4 añanan cu e interes ta mas grandi. Den e ultimo añanan AHATA ta haya for di cuminsamento di aña, personanan cu ta interesa pa participa den e programa di reciclahe di AHATA. Esey ta motiva AHATA pa sigui cu e proyecto aki di reciclahe tur aña. Sra. Vanessa Rasmussen ta amplia.
Tur aña ta bin hendenan nobo, pero toch tur aña ta keda cu e personanaN leal cu ta keda participa. Sra. Rasmussen a bisa cu ta un combinacion di adulto y hoben, door di diferente categoria nan por scoge den cual categoria nan kier participa.
E persona mester ta mas consciente cu ta cumpra productonan cu no mester wordo tira afo di biaha, den baki di sushi, pero por uzanan varios biaha prome cu haci esaki. P.e. e cahanan di webo. Tin un cantidad di proyecto cu por sali uzando e cahanan di webo. For di uzanan pa planta mata te traha obranan di man. E no ta algo caro y e ta algo creativo. Tambe cu e cahanan di cornflakes, of e rolnan di papelnan di wc.
Ta hopi di esakinan ta wordo benta afo, pa luna y mester djis imagina cuanto cos por haci cu e materialnan aki. E evento di reciclahe ta bay tuma luga dia 8 te cu 12 di Mei, e exposicion ta bay ta habri y lo no bay cobra pa personanan bay bishita e exposion. Y tambe participacion pa e competencia ta gratis. E companianan cu nan ta interesa pa participa, por yama AHATA na 5822607 of por un email na [email protected] pa asina pidi mas informacion over di cual ta e material por wordo uza y cual no.
Tambe pa haya e formulario di registracion, unda na por kies den cual categoria nan kier wordo regista, segun Sra. Rasmussen, di AHATA.