Por mira cada aña, cada dia, por bisa cu ta wak mas y mas e hoben ta hopi interesa den su curpa, su salud sexual. E hormoonnan ta traha na un edad hopi mas hoben. E muchanan ta hopi mas conciente, tecnologia, social media, nan ta hopi mas open pa ricibi informacion, pero tambe pa haci uzo di esaki, segun Evelyn Yarzagaray di Famia Planea, pa wak kico ta miho pa nan curpa y pa asina nan tuma e opcion corecto, na e momento corecto. Mas y mas ta hopi mas conciente. Famia Planea ta contento cu e hobennan di awendia ta hopi mas habri pa ricibi atrobe informacion, pero tambe haci uzo di dje.
Yarzagaray no por critica y laga afo e adulto y mayornan, pasobra toch tin un cambio. E ta bay hopi mas slow, pero tiki tiki nan ta realisa cu e ta necesario, pasobra hopi biaha ta atende cu ta den un comunidad asina chikito. E parti religioso ta hunga un rol asina importante y no ta tur hende ta riba e mesun nivel. E fundacion ta respeta tur hende su opinion, pero tambe ta duna e guia y informacion abiertamente pa tur hende cu ta dispuesto pa haci uzo y cu ta wak e importancia di esaki. E ta cuminsa cerca nos. E mester ta un baby desea. Una bes cu e no ta desea, no lo kier bay riba e bista mas amplio. Una bes cu una bes e no ta desea, tur e problemanan cu tin den nos comunidad, mayornan cu por ta no ta hunto, e muchanan no ta wordo lanta cu amor, sino ta wordo kita for di e mayornan di un manera of otro. E carga y peso cu e persona aki ta bira pa nos comunidad den tur aspecto, ta start na Famia Planea. Nan tin e tarea pa concientisa di e hoben pa e adulto, pa tuma un decision responsabel. E momento ey ta e momento pa haci’e. Una bes cu e bay robes caba, e ta cay den man di tur organisacion, di Gobierno, di full e comunidad, pa por guia y lanta un ser humano den cierto circunstancianan cu no ta esunnan mas apto y di miho. Famia Planea ta haci su maximo esfuerso pa por concientisa tur hende na un miho manera cu ta posibel, Yarzagaray a splica.