Despues di hopi aña Famia Planea Aruba ta habri un oficina na Oranjestad. Directora di e fundacion, Evelyn Yarzagaray, a splica mas di e motibo cu a bay den Vondellaan.
Di parti di fundacion di Famia Planea, directiva y staff a yama tur esnan presente un bon bini pa asina cera conoci cu e oficina nobo. E fundacion a cumpli 45 aña y desde 2005 a extende nan oficinanan. Tabata tin solamente e oficina na San Nicolas. Desde 2005 a introduci un oficina nobo chikito na Playa pa wak asina con e acogida ta cerca e miembronan, cerca e usuarionan y esaki a resulta hopi bon cu na 2009, ora cu a haci un switch y haci e oficinanan principal na Playa y a mantene e oficina na San Nicolas, cual anteriormente e hoofdkantoor tabata na San Nicolas. Asina a bin ta evalua y check cada biaha back and forth, con e clientela ta acepta e cambionan cu a bin ta introduciendo pa ta mas cerca di nan, mas cerca di e scolnan, mas cerca di e educadornan, pa por drenta nos comunidad, pa asina por influencia nan den un bon manera y haci e accesibilidad na nan servicio y productonan mas facil pa nan. A bin ta desaroya y haci diferente cambio. E impacto di social media, e impacto di e scolnan, e lezingnan cu a subi enormemente y tambe hunto cu esaki, e miembrecia cu a bin ta crece segun e añanan y e demanda ta bisa cu tin cu sigui dilanti y y reach out na e hobennan. Dialuna, despues di 45 aña ta para dilanti un di e scolnan di mas grandi na Aruba y tambe pa Famia Planea ta mas cerca di biblioteca. Tambe nan ta cerca di otro scolnan grandi cu ta un EPI, caminda cu tin hopi studiante eynan. Varios scol di MAVO cu tambe ta cerca di e fundacion, pa asina por brinda e miho servicio, e miho productonan, haci’e mas accesibel na nan tambe y esey ta e meta eigenlijk pakico e cambio aki, segun Yarzagaray.