Sr. Ben Statie a cumpli 103 aña awe, dia 3 di April. Pa e motibo aki a pidi un Misa p’e na Misa Santa Teresita na San Nicolas, y despues a sigui un brindis na su cas.
Lider di MEP Evelyn Wever-Croes tabata presente pa felicita sr Statie. “103 aña ta un edad hopi respeta. Sr. Statie semper tabata un gran sostenedor di nos partido. Mi no por a keda sin pasa y felicita sr. Statie y pa e motibo aki tambe mi a entrega sr. Statie un reconocemento den nomber di henter partido. Cu Dios bendiciona sr. Statie” Evelyn Wever-Croes a duna di conoce.