Evelyn Wever-Croes: Si reunion no sigui dia 5 di September Gobierno di AVP tin cu wanta e consecuencia

Si e reunion di otro siman no bay door pa e asunto di tereno di Benny Sevinger, gobierno di AVP lo wak kico lo ta e rabia di pueblo segun lider di MEP, Evelyn Wever-Croes, a duna di conoce durante e conferencia di prensa.
Na e momento di coalicion di MFK, Pueblo Soberano y MAN, no kier a tene reunion mas den Parlamento, Hulanda a grijp in, Gobernador a grijp in y a manda gabinete Schotte cas.
Aruba ta canando e mesun caminda na e forma cu fraccion di AVP y e Gobierno di AVP ta andando. Si nan sigui cana e caminda aki nos ta perde un poco mas nos autonomia. Ta hopi importante pa nos sa cu tur esaki pasobra nos tin un prome minister hopi iresponsabel, hopi miedoso, hopi swak, hopi debil, cu no kier atende problemanan di nos pais. Ta spera di curason, cu e reunion di dialuna cuminsa, segun schedule 10’or di mainta, cu minister Benny Sevinger, cu e ta biahando pa Orlando, pa Miami, unda cu ta, pa e subi avion pa e tey dialuna mainta den Sala di Parlamento, pasobra e consecuencianan nan no lo kier ni pensa kico nan lo ta, segun Wever-Croes.

Comments

comments