Ta di lamenta cu e reunion cu minister di husticia no por a sigui den Parlamento pasobra e sistemanan no tabata trahando, esta motibonan tecnico. Nan tabata cu computer henter dia, e camaranan no tabata graba, e audionan no tabata graba. Un cantidad di problema tecnico, cu a pone cu e reunion cu minister Dowers no por a sigui lamentablemente. Esaki tabata un reunion cu MEP a pidi ya dia 13 di Februari caba y segun reglamento di ordo den Parlamento, un reunion asina mester a wordo yama dentro di 30 dia. E no a wordo yama dentro di 30 dia, el a wordo yama despues di 6 siman y awo ainda e no por a sigui. Siendo cu e tema di criminalidad y di husticia ta sumamente importante. Durante reunion di diamars, e lider di MEP y su coleganan, pa trece puntonan padilanti y no kier laga e oportunidad pasa, sin trece padilanti kico ta e solucionnan cu MEP lo a presenta un biaha mas. Lider di MEP, sra. Evelyn Wever-Croes, a splica riba e prome plannan cu lo bay trece pa husticia den prome 100 dianan di gobernacion.
Durante e conferencia di MEP, Wever-Croes a ilustra un helicopter, cu nan tin pensa di bin cun’e bek, den e prome 100 dianan di gobernacion di pais Aruba. Den e prome 100 dianan di gobernacion di MEP despues di eleccion dia 22 di September, e helicopter lo ta na Aruba y lo controla nos costanan, lo sigui cu e patruyahe cu tabata haci den pasado, pa asina garantisa cu nos costanan ta wordo miho sigura.
Oposicion no ta sinta cuestiona, controla y critica Gobierno so. Nan ta busca solucion. Ta percura pa tin tur cos regla pa asina cu drenta Gobierno, no tin tempo di perde. Manera cu drenta Gobierno, lo percura e ora pa por ta cla pa por combati criminalidad cu man duro, pa combati criminalidad cu tur forsa di ley cu ta wordo ofreci na nan. E helicopter ta un di nan.
Despues di esey lo percura tambe pa e radar keda cla, pa asina esey tambe por introduci mesora cu drenta den Gobierno.
Akinan por mira MEP desde oposiciont a gobernando, desde oposicion ta buscando solucion. Mientras cu e partido na mando, AVP, ta den pleito constante, mientras cu nan ta den man di husticia, mientras cu nan ta wordo investiga pa crimennan serio, MEP ta sigui crece y preparando pa gobernacion, preparando pa brinda Aruba e gobernacion cu Aruba merece. MEP lo percura pa haci Aruba sigur bek. Lo percura pa bin cu e helicopter bek y asina cuminsa mustra criminalnan cu e fiesta a caba. Cu ora MEP ta den Gobierno, ta combati criminalidad cu man duro y cu e fiesta di e criminalnan a caba, asina trece e aire di siguridad bek pa un y tur.
Pa e mama cu ta bay traha, laga su yiu cas merdia, pa e por ta trankil. Pa e yiu ora e bay traha, laga su grandinan na cas, pa e ta trankil. Pa ora bay drumi anochi, por bay drumi trankil, sabiendo cu e yiu den e otro camber, por drumi trankil. Ora bay traha na Hulpbestuurskantoor nunca mas lo wordo menasa cu atraconan. Esey ta loke MEP lo kier bay brinda pueblo di Aruba.