Fraccion di MEP ta hasiendo tur lo posibel pa informa henter comunidad tocante e presupuesto 2017 di Gabinete Mike Eman cu lo wordo trata proximamente. Un di e puntonan cu semper MEP a keda enfoca riba dje ta con ta posibel Gabinete Mike Eman tin asina tanto cooridnador den servicio! Y te dia di awe nan no ta splica dicon nan mester di asina tanto coordinador.
Awe nos ta analisa e presupuesto 2017, riba e gastonan di salario di coordinadornan. E cantidad total di coordinador pa 2017, segun e presupuesto cu Mike Eman a manda Parlamento, ta 325. E gastonan total ta 32 miyon florin. Esey ta duna un average di salario di 9 mil florin pa cada coordinador. Riba e grafico adhunto por mira esaki mas detaya. Algun ta gana poco menos, algun ta gana poco mas. Pero e average ta 8 mil florin pa cada coordinador. Esaki ta un bofta den cara di hopi di nos hobennan cu ta lucha pa caba nan estudio, pero no por haya trabou. Otronan, sin ningun studio, ta yega y gana 8 mil florin pa luna.
E bureau di minister cu tin menos ta minister Angel Bermudez cu tin 7 so. Minister Paul Croes tin 13. Minister Schwengle tin 16. Minister Michelle Hooijboer-Winklaar tin 22. Minister Otmar Oduber tin 24. Minister Dowers tin 35. Minister Mike de Mesa tin 37. Minister Benny Sievinger tin 58. Y esun cu a kibra tur record atrobe ta minister Mike Eman cu 113!
Tempo cu MEP tabata den gobierno, na aña 2009, sr Nelson Oduber tabata tin un bureau di 17 persona. Ken por splica dicon Mike Eman tin mester di 113, cu ta 96 hende MAS cu sr. Nelson Oduber tabata tin mester? MEP a cuestiona esaki hopi caba, y nos lo sigui cuestiona e asunto aki, pasobra no ta husto. Hopi di e coordinadornan aki no ta ni aparece na trabou pasobra no tin lugar pa nan sinta na Bestuurskantoor pa asina tanto hende. Ta hendenan cu Mike Eman ta manda campa0241a p’e, of yama radio, y lastra oposicion. Esaki ta algo contra ley!
SOLUCION DI MEP
MEP ta kere cu prome e ministernan mester baha nan gastonan y despues bo por pidi pueblo pa hala faha mara. E plan di MEP ta simple:
Stap 1: baha e cantidad di minister di 9 pa 7 minister, y bo ta scapa 17 miyon florin
Stap 2: baha e cantidad di coordinador y bo ta scapa 24 miyon florin
Stap 3: baha e gastonan di biahamento, huurmento, propaganda y abogado, y bo ta scapa 9 miyon florin
Asina den 3 stap sensiyo, bo ta scapa 50 miyon florin SIN cu bo mester bay na pueblo cu mas medida.