Sra Evelien van Dort 0a entrega su prome buki pa adulto titula ‘Bewegen, eerst je lijf in dan de wereld in’ na directora di biblioteca, sra. Astrid Britten. Alabes e ta duna su di setenta buki pa mucha ‘Sanne@Sanne’. Esaki ta un storia di un diario cu e tema ‘defende bo mes’. Tur dos buki ta na Hulandes y lo ta den coleccion pronto pa miembronan por fia.
Evelien van Dort y su casa ta na Aruba pa participa na e Festival di Buki pa Mucha. Durante un evento social Evelien van Dort a duna Astrid Britten, directora e dos publicacionnan nobo. Biblioteca a organisa un anochi social caminda tur autor y ilustrador y empleadonan di biblioteca ta haya oportunidad di conoce otro un poco mas.
‘Bewegen, eerst je lijf in dan de wereld in’ ta un buki practico pa mayor hoben y docente tocante mucha di 0 pa 18 aña. Den e buki e autora ta duna conseho basa riba 30 aña di experencia di trabou den su consultorio di fisioterapeuta. Evelien ta combina un vision regular cu uno holistico. Ta importante pa bo sinti bo bon den bo curpa. Evelien ta pone accento riba e hecho cu cada mucha ta unico. Temanan ta e.o. comunicacion y movecion.
Evelien y su casa lo ta den diferente klas pa duna presentacion hunto y nan tin regalo pa tur klas cu nan ta bishita.