Internacional.. “Nos kier sa kico a causa esaki pa nos por evita algo similar pa den futuro”. Tabata palabranan di Dr. David Relman, experto den enfermedad di infeccion y microbiologo di Stanford University.
Tin varios pregunta ta di unda e virus aki a lanta, e.o si ta for di un laboratorio e virus a nace, of si e tabata un transferencia zoonotic, tur e preguntanan aki lo tin su contesta cu tempo.
E departamento di energia di Merca a evalua cu e pandemia di Covid-19 a surgi pa motibo di un “leak” den un laboratorio na China.
E agencia di intelegencia por haci evaluacionnan cu confiansa baho,mediano of halto, y un evaluacion cu confiansa baho ta significa cu e informacion obteni no ta suficiente confiabel pa haci un huicio analitico y esey kiermen cu no por a saca un conclusion solido tocante e caso aki.
Na 2021 e comunidad di inteligencia a desclasifica un informe cu a mustra cu cuatro agencia di e comunidad di inteligencia a wordo evalua cu confiansa baho y cu ta bisa cu e virus probablemente a bula for di animalnan pa humano den naturalesa.
Tres otro elemento di e comunidad di inteligencia no por a yega na un splicacion sin informacionnan adicional, segun e informe di e comunidad.
