MEDELLIN, Colombia- Casi 24.000 persona a wordo evacua for di tres pueblo den e parti noordoost di Colombai. Esaki ta door di riesgo di cu un central hidroelectrica den construccion colapse debi na fayonan structural. E aumento di e stroom di e riu cu ta abastece esaki door di yobidanan intenso. E compania encarga cu e obra a informa di esaki diamars ultimo.
E aumento di e stroom di e riu Cauca, riba cual ta construyendo e Central Hidrolectrico di Ituango, a obliga e gobierno na declara alerta cora. Tin varios fayo registra den e proceso di y riba cual a registra fayonan den e proceso di yena e damnan y den e obra di tunnelnan di desviacion.
“E total di personanan evucua den alberguenan ta di 23.918. Te na e momentonan a desplega 1737 persona di e Sistema Nacional di Gestion di Riesgo di Desaster (SNGRD) y di EPM, pa atende cu e emergencia”, según un comunicado di e Empresanan Publico di Medellin, encarga cu e obra.
“Den un constante monitoreo e descarga di awa pa e tunnel di desviacion rechts di e proyecto hidroelectrico Ituango cu, aunke e ta modera, ta spera cu e lo por aporta na un stroom grandi di e riu Cauca, awa bou di e dam”, EMP a splica. El a revela cu 1500 obrero ta trahando pa yega na un haltura di 410 m den e tankinan, cual lo permiti di recupera e control y reduci e risico evacuando awa via un dump.
E proyecto hidroelectrico, considera esun mas grandi den historia di Colombia, ta ubisa den e departamento di Antioquia. E construccion a cuminsa na 2010 y ta propiedad di Empresas Públicas de Medellín, cu ta busca pa genera 2.400 megavolt, un 17% di e demanda electrico di e pais.
Rond di 200 mil persona ta biba den mas di 12 pueblo y aldeanan di e departamentonan di Antioquia, Bolívar, Cordoba y Sucre, cu lo por wordo afecta pa un inundacion, según organismonan di e prevencion di desaster. E personanan evacua ta kedando den 14 shelter.
E proyecto tin un costo di 11,4 biyon peso ((3.816 miyon dollar) y lo mester a drenta den operación na final di aña.
Fuente: