BRUSSEL, Belgica – Cu e fin di reforsa e siguridad na su fronteranan, e Comision Europeo a propone e creacion di un sistema di registro pa tur e bishitantenan di tercer paisnan te awor extento di visa, cu lo ta mas of menos 39 miyon di persona pa ora cu e programa aki bay den marcha na 2020.
E sistema Europeo pa Informacion y Autorisacion di Biahe (ETIAS) lo compila informacion di e bishitantenan cu no ta rekeri di visa pa ingresa na e paisnan di e asina yama Espacio Schengen cu e fin di delanta revisionnan di siguridad y pa evita imigracio iregular.
E 26 paisnan cu ta conforma e Espacio Schengen ta: Alemania, Austria, Belgica, Dinamarca, Slovakia, Slovenia, Spaña, Finlandia, Francia, Grecia, Hungria, Islandia, Italia, Letonia, Lichtenstein, Lituania, Luxemburg, Malta, Noruega, Hulanda, Polonia, Portugal, Republica Checa, Suecia y Suisa.
Den un comunicado, e Comision Europeo a subraya cu e permiso proponi no ta trata di un visa, sino di un autorisacion previo pa ingresa e Espacio Schengen, cue fin di identifica posibel imigrantenan iregular of individuonan cu ta representa un menasa pa siguridad.
Segun e propuesta, e permiso lo facilita e acceso na biaheronan proveniente di e paisnan for di e Espacio Schengen pa Europa, cu actualmente no ta rekeri di visa.
ETIAS ta funciona di e siguiente forma:
1. Prome cu biaha, e interesadonan mester yena un solicitud, via internet, cu datonan basico (nomber, edad, ocupacion, number di paspoort, pais di entradana Europa, entre otro). Ademas nan tin cu responde un cuestionario riba temanan di siguridad y salud entre otro. E registro, en principio, no ta tuma mas di 10 minuut.
2. Tras di yena e formato, lo procede na paga un tarifa di 5 Euro pa cada solicitante mayor di 18 aña. E permiso lo tin un duracion di cinco aña y no tin mester di presenta otro documento ademas di e paspoort.
ETIAS no ta aplica pa biahero di paisnan cu tin mester di visa pa drenta Europa. Den actualidad paisnan di America cu ta den e situacion ta: Belize, Bolivia, Cuba, Ecuador, Guyana, Haiti, Jamaica, Republica Dominicana y Surinam.
E paisnan di e continente Mericano cu si tin mester di e permiso ta: Antigua y Barbuda, Argentina, Bahamas, Barbados, Brasil, Canada, Chile, Colombia, Costa Rica, Dominica, El Salvador, Grenada, Guatemala, Honduras, Mexico, Nicaragua, Panama, Paraguay, Peru, Saint Kitts and Nevis, Saint Lucia, Saint Vincent y Grenadines, Trinidad & Tobago, Merca, Uruguay y Venezuela.
Fuente: CNN en Español