BRUSSEL, Belgica – E Eurodiputadonan di Podemos, Xabier Benito y Miguel Urban a pidi awe Union Europeo cu no ta reconoce e legitimidad di e “gobierno Golpista” cu ta substitui e presidente destitui di Brasil, Dilma Rousseff y cu a suspende e relacionnan politico y economico cu pais.
Urban, miembro di e Comision di Asuntonan Exterior di Parlamento Europeo (PE) y Benito, vicepresidente prome di e Delegacion pa e Relacionnan cu Mercosur, a denuncia den un comunicado e “golpi parlamentario” caminda cu, den su opinion, tabata obheto Rousseff y e ciudadania Brasileño, Efe a informa.
“Ni desde e Gobierno di Estado Spaño, ni desde Parlamento y e Comision Europeo (CE) tin cu legitima e Gobierno nobo,” Urban a declar,a kende a insisti na e “cese inmediato di cualkier relacion comercial of politico te cu e restablece e legalidad y boluntad di e urnanan.”
Benito a solicita cu “den e negociacionnan pa e acuerdo comercial entre UE y Mercosur no inclui e Gobiernonan cu no ta conta cu e respaldo di e ciudadania.”
Mercosur ta integrapa Argentina, Brasil, Paraguay y Uruguay y na nan a incorpora posteriormente Venezuela, cu ainda no a participa den e negociacion di e acuerdo di e asociacion cu UE mientras cu Bolivia ta den proceso di adhesion.
“Nos no por permiti cu e elitenan ta uza e golpinan di estado “swak” pa silencia e ciudadania y bay pa e boluntad democratico,” Urban a bisa.
E dos Eurodiputadonan a pidi den un pregunta Parlamentario dirigi na e alto representante di UE pa Politica Exterior, Federica Mogherini, un baloracion di e proceso y un plan di medidanan al respecto.
Ademas, a recorda e Comision Europeo e existencia di un informe di e Senado Brasileño cu “a exculpa Rousseff di e acusacionnan pa e maniobranan fiscal.”
E Senado Brasileño a aproba diaranson pa amplia mayoria di e destitucion di e presidente Rousseff, acusa di “crimennan di responsabilidad” pa maquiya supuestamente e cuentanan publico y a confirma como su substituto na Michel Temer, cu ta desempeña e cargo te cu Januari di 2019.
Fuente: El Universal
- Latest
