Un dicho di nos bieunan ta bisa “No pisca p’ami, pero siñami pisa”. Esaki ta algo cu mester realisa, cu nos educacion na Aruba ta hopi abao. Hopi hende mester trabao, pero ora yega DPL, nan educacion ta hopi abao. Y Departamento di Enseñansa tin limite di personal pa duna curso. Pa esaki a puntra Sra. Glenda Herandez, directora di DAS, con esaki ta hinca den e Plan Crisis Social.
Departamento di Asuntonan Social ta den deliberacion cu Departamento di Enseñansa tocante segundo oportunidadnan. Un hende cu a cay atras, dun’ e un di dos oportunidad, dun’e curso. E pueblo mester stop di depende ariba e politiconan pa dunanan trabao. Esaki ta algo fout, ya cu e trabao mester ta depende di bo papelnan, di bo conocimento, diplomanan, cu ciudadano por duna algo na e pueblo.
Esaki no ta solamente e educacion formal, pero full e sistema di educacion, unda hendenan por haya nan papel di un of otro manera. Dus mas oportunidad pa haci cursonan cortico den enseñansa, curso pa subi mercado laboral. Departamento di Asuntonan Social ta bezig ta guia mamanan soltera cu ta ariba bijstand, pa dunanan curso y wak con por yuda nan subi mercado laboral. Eseynan ta manera cu tin cu haci’e. No por keda man para ariba otro y bisa cu ta bay warda te ora tur hende ta cla.
Sra. Hernandez ta sigui bsia cu e ciudadano Arubano mester ta consciente, cu nan mester haya un excepcion pa tur cos. Ora cu tin cu cumpli pa busca trabao na DPL, haci esey. Mester tin disciplina pa cu esaki. Den trabao gobierno tin un rol hopi bon den papia cu trahadonan, trahado y dunado di trabao, ap wak cu e exigencianan ta cuadra mas pa e deseonan di nos hendenan. Eigenlijk no por ta cu awo tin hotelnan ta biniendo, mas camber, eseynan ta pa entradanan abao tambe ta importa problemnan social den nos comunidad. Mester ta consciente di esey. Mester bay mas aleu di e problemanan cu nos tin caba. Sra. Hernandez a sigui bisa cu e ciudadano mester contribui cu su pais. No pidi so, pero duna tambe. Sea ehempel pa bo pais.
Enseñansa pa Empleo ta hunga un rol hopi clave ya cu hendenan cu a caba scol of no a caba scol, via Enseñansa pa Empleo por haya un curso pa subi mercado laboral. Ta den palabracion cu Enseñansa di Empleo pa deal y handle cu e problematica aki. E crisis social ta den tur area. E ta bay tuma basta aña prome cu por bisa cu a cumisna acapara, den grandi e problemanan mas grandi den comunidad.