E siman aki a sali den circulacion of a bay via email pa prensa, algun documento interno relacion cu investigacion contra un specialista.
Un persona, kende tabatin acceso na e documentonan di e investigacion a mand’e pa prensa. Esaki a cay den masha mal tera cerca Hunta di Directiva di Hospital. Ta papia di un investigacion of rumornan contra un specialista pa un caso di sexual harassment.
E tabata algo cu a mantene interno pa motibo cu a papia cu tur partido envolvi y parce cu no tabatin keho entrega oficialmente E siman aki di repente gerencia di HOH a constata cu a manda algun corespondendia interno pa prensa.
Inmediatamente a saca un memo den cual ta menciona cu e personanan cu a haci nan mes culpabel pa violacion di secrecia di trabou por haya su retiro di inmediato. Pa logra yega na e fuente di e violacion aki, HdD a cuminsa un investigacion interno. Tur esaki a informa su empleadonan den un memo, y a recorda nan e contracto cu a firma relaciona cu secrecia di trabou.