Diadomingo 9 di december lo estrena e corto metrahe PARADISO na Ateliers ’89. Esaki lo tuma luga pa 7 or y 30 di anochi. Despues di e estreno lo tin oportunidad di haci pregunta na e crew y e actornan. Entrada ta gratis.
PARADISO ta un corto metrahe skirbi y dirgi pa di Rebecca Roos cu e actriz Olga Gabrielle den e papel principal. E short film ta enfoca riba e diferencia di bishita Aruba como turista y biba riba nos dushi isla. Subtitulo ta na Ingles. E idea pa e short film a inicia na 2017, y e mesun aña a cuminsa busca fondo. Cu apoyo financiero di Prins Bernhard Cultuurfonds Caribisch Gebied, Subway Aruba, New India Assurance y Cas Bon por a cuminsa filma na Februari 2018. Otro organisacionnan cu a apoya e proyecto cu barter den varios forma ta Home and Nature, Universidad di Aruba, Sams, Aanic Legal y Divi All Inclusive. Director di Photografia ta Ingmar Maduro y Audio & Music ta den man di Adriano Nanof. E world premiere di e corto metrahe a tuma luga na November durante e Belize International Film Festival y na e momento aki ta ofreciendo e pelicula na mas festival rond mundo