Estrella Taekwondo Center bou guia di Master Norberto Tromp miho conoci como “Nuno” ta preparando su team pa Cas Bon
Taekwondo Cup cu ta wordo organisa pa Brazil Taekwondo Stichting.
Estrella Taekwondo Center su team ta consisti di muchanan for di 6 aña te cu adulto cu ta train na Club Estrella na Santa Cruz
tur Diamars y Diahuebs for di 6’or di atardi pa 8’or di anochi. Nuno ta preparando su team pa cualifica pa Best of The Best Truescore
Series y pa e Best Team Cup. Estrella Taekwondo Center ta conta cu Leo Dirksz cu ta un di e veteranonan cu ta train na Estrella Taekwondo Center y cu ta inspira e atletanan hoben.
