REINO UNI/INDIA- Den cuadro di e yudansa economico na India, funcionarionan di Reino Uni a mustra nan rabia despues di a conoce e realisacion di un statua di 182 m den e pais Asiatico.
Den e contexto di yudansa pa desaroyo di parti di Reino uni na India, cu cifranan cu ta yega na mas 1.3 miyon dollar, e Britaniconan ta haya cu e statua mas grandi di mundo den homenaha na Sardar Patel, un di e figuranan central di e historia reciente den e lucha pa unificacion di e pais, Daily Mail a informa.
E rabia di parti di funcionariona Britanico ta grandi. Den e 56 lunanan cu a rekeri pa construi e statua di brons na e lider Indio, di 182 m di altura, segun fuentenan oficial di Reino Uni a duna sumanan grandi di placa den termino di yudansa stranhero na e pais Asiatico.
A pesar di cu na 2012, Andrew Mitchel, e secretario di estado pa Desaroyo Internacional a anuncia cu e yudansa na India lo finaliza despues di 2015, aña pasa a inverti cerca di 1.209 miyon dollar pa diferente proyecto di e pais. Un vocero di Departamento pa Desaroyo Internacional a afirma cu aunke e “yudanssa tradicional” a caba, awo Reino Uni ta provee ‘inversion priva pa genera prosperidad y harbi mercadonan nobo”.
E placa Ingles destina pa India tabata tin como obhetivo na contribui den proyectonan di derecho pa hende muhe, e construccion di panelnan solar y inversionnan den transporte abao den CO2.