Madrid, SPAÑA- Un hues a debolbe un piedra procedente di espacio haya na Colomera (Granada), di 130 kilo na e heredero di e homber cu a sede na e Museo Nacional di Ciencia Natural 80 aña pasa.
Ta trata aki di un pida metal, di mei meter di haltura y mas di 130 kilo di peso cu a yega for di espacio. Su composicion ta sugeri cu e lo ta pertenece na e nucleo di un planeta desintegra. Cientificonan a wak den esaki un mensahero cu informacion di mas aleu di e sistema solar. Tambe un bentana na un region inalcansabel di e mundo terrestre. Awe, el a disparce di espacio publico y niun hende, solamente su doño, sa di su paradero.
E obheto peculiar aki tabata un meteorito haya na 1912 den e localidad Granadino di Colomera. Segun Javier Guinea, investigador di MNCN, muchanan cu tabata bin di bishita por a mishi cun’e y “comproba con magneet tabata pega na dje”. Asina ey tabata splica e muchanan cu asina cientificonan tabata sa cu e nucleo di mundo ta di hero, aunke nunca nan tabata ta eynan. “Esaki tabata e meteorito mas importante di e coleccion, pa su tamaño y su peso. E ta di un denidad bruto y cu no por wordo kibra; e tabata tin un historia cientifico grandi.
Segun historia, siglo pasa, na Colomera, hobennan tabata entretene nan mes cu e piedra grandi aki cu nan a haya dera na un meter di profunidad, mei mei di resto di un cas den construccion. El a wordo poni den un skina di pueblo, y el a bira un reto pa e muchanan cu tabata purba di lanta e piedra aki di un peso increibel.
Comunidad di Madrid no a contesta e peticionnan pa proteha e meteoriet como un interes cultural.
Durante añanan 60, el a wordo manda Merca pa nan saca fragmentonan pa haya informacion nan util den e biahe pa luna.
E propietario original di e meteoriet nunca a reclama esaki.