WASHINGTON, Merca- Diahuebs Corte Supremo di e estado di Washington a declara inconstitucional e pena di morto. El a argumenta cu e esaki tabata wordo aplica di manera “arbitrario” y “racista”. Esaki ta un avance grandi pa activistanan cu ta pidi pa stop cu e castigo aki.
For di 2010 no tin niun ehecucion realisa den e estado aki y awo e ta bira e di 20 estado cu ta prohibi e pena capital.
Pena di morto no necesariamente ta incostitucional, pero e ta “invalido” ya cu e ta wordo aplica di un manera arbitrario y cu’n prehuicio racista”, e tribunal maximo a declara den un fayo unanime.
Pa e huesnan, su uzo ta varia “segun e luga di e crimen, e condado di residencia of e recursonan presupuestario (di e tribunal) disponibel y e rasa di e acusado”.
Asina tambe tur sentencia di pena di morto ta wordo comberti den cadena perpetua.
Segun e Centro di Informacion riba pena di morto, un NGO, a decision ta afecta ocho detenido.
E Corte Supremo di estado di Washington a tuma e caso di Allen Eugene Gregory, condena na pena capital pa violacion y homicidio di un hende muhe na 1996.
Gobernador di Washington, e democrata Jay Inslee, cu a decreta un moratorium riba ehecucionnan na 2014, diahuebs a celebra e decision di corte.
E pena capital ta den retroceso na Merca, caminda cu solamente 39 acussado a wordo sentencia na morto na 2017, contra di contra 295 na 1998 of 114 na 2010.
Den e 30 estadonan unda pena di morto ta permiti, 16 di nan no a ehecuta niun ehecucion desde 1976. E aña aki 18 detenidi a wordo ehecuta, dies di nan a wordo ehecuta, dies di nan na Texas.
E siguiente estadonan tin pena di morto:
- Florida
- Georgia
- Texas (un di e estadonan cu mas ehecucion)
- Missouri
- Oklahoma
- Virginia
- Tennesse
- South Carolina
- Utah
- California
- Pennsylvania
- Alabama
- Idaho
- Arizona
- North Carolina
- Ohio
- Mississippi
- South Dakota
- Oregon
- Montana
- New Hampshire
- Lousiana
- Wyoming
- Kansas
- Kentucky
- Delaware
- Colorado
- Nevada
- Indiana