Internacional: Autoridadnan di proteccion civil Griego a anuncia medidanan despues di un calculacion di 7.700 temblor den menos cu un siman.
Autoridadnan a declara un estado di emergencia na Santorini mientras cu exspertonan di desaster natural ta expresa miedo creciente pa e actividad sismico “intenso” cu a sacudi e isla.
E medidanan di emergencia a wordo declara pa e cas di pueblo di e isla algun ora despues cu sismologonan a registra un temblor di 5.2 magnitud e temblor di mas poderoso cu a wordo sinti na Santorini desde cu e prome di un calculacion di 7.700 temblor a wordo registra siman pasa.
E medidanan, bou di cua ta spera cu e ehercito tuma un rol mas activo den maneho di crisis, lo ta na vigor te 3 di maart ora cu e nacion cristian ortodocs marca e comienso di cuaresma.
Ta kere cu alrededor di 11.000 hende a huy for di e isla, cu ta atrae mas cu 3.4 miyon turista pa aña y residente alrededor di 20.000.
Mas di 12 mil persona a huy cu boto y avion desde cu e temblornan a intensifica den fin di siman, cu poco turista awor ta kere cu ta riba e isla.
