E crecemento cu tin na Universidad di Aruba ta grandi si mira cu ya awor aki no tin hopi espacio mas pa cual aki Sr. Glenn Thode ta splica kico ta bay haci pa futuro.
Nan ta purba di sigui dos strategia, un di nan ta di amplia espacio, mirando cu nan tin estudionan nobo cu nan lo habri den futuro pero tambe cu tin mas studiante cu ta bin pa e Academic Foundation Year y lo mester di mas espacio. Esey ta un di e strategianan. Nan ta wak toch si nan ta haya mas espacio di unda nan ta awor y si esaki logra, un gran parti di nan retonan lo ser cubri.
Un otro strategia ta cu lo modernisa nan forma di educa, manera p.e. Aworakinan pa hopi biaha pa transmiti conocemento, ta rekeri pa e studiante bin y sinta den e local y e docente ta transferi e conocemento e momento ey. Si por adapta nan forma di educa, caminda cu e transferencia di informacion por tuma luga distribui via di p.e. Distance learning, cu ta algo cu e docentenan di Universidad di Aruba ya algun a train esaki caba. E ora no mester pidi e studiantenan pa bin Universidad pa bin scol y sinta den un local. Un gran parti di e programa e ora, nan por sigui esaki na nan cas, online ora cu nan ta dicidi tambe. No mester bin na e momento cu Universidad ta organisa cu e klas ta wordo uza pa nan y un docente. E ora por haci uzo di espacio cu tin na un forma mas inteligente, na un forma cu nan ta bin cerca otro ora cu ta necesario pa intercambia, p.e. Ora di examen of ora pa evalua un hende bon, over di su actitud of skill setnan, ta necesario pa ta cerca di otro. Pero pa transferi conocemento esaki no ta necesario.
E proximo añanan ta bay ta un reto pa Universidad di Aruba. Nan ta bezig ta prepara si, pero e ta algo cu ta tuma su tempo. Pesey no por soluciona e reto cu nan tin cu e espacio, solamente cu sigui cu e plan alternativo ey di organisa nan espacio diferente. Nan programanan ainda ta rekeri pa tin contacto y presencia, segun rector di Universidad di Aruba, Sr. Glenn Thode.