E hobencita Arubiano Esha su CD nobo, “Dangerous,” lo wordo introduci pa prome biaha durante un ceremonia / recepcion pa prensa y invitadonan, diamars awor dia 6 di Juni. Esaki lo sosode den un forma hopi unico na unda cu Aruba y rond mundo por mira e momento aki den forma bibo via di facebook. Ta recomenda tur hende pa ta online exactamente pa 8 or di anochi. (https://www.facebook.com/eshamusic/ )
Esha no ta un hoben tipico di 15 aña. Esha a cuminsa scirbi su mesun cancionnan for di edad di seis aña. E tabata sa di cosecha e exito di su prome CD titular “Beautiful”. Cu e CD aki e cancion y video clip “Yesterday” ta hayando hopi acohida internacional cu miles di views riba youtube. Proximamente Esh lo canta en bibo riba e tarima principal durante e Aruba Summer Music Festival na luna di Juli y e lo haci su presentacion tambe durante e Caribbean Sea Jazz Festival na luna di September proximo.
“Cu e CD aki mi kier a explora e peligernan di amor y relacion. Mi ta hopi emociona pa cu e resultado. Mi ta spera cu cada palabra di cada cancion lo toca cada persona cu scuch’e y ta lage sinti algo,” asina Esha a expresa.
Biniendo bek riba e evento di lansamento esaki lo conta cu presencia di dignitarionan local, influyentenan den mundo di media, Esha su producer internacional y otronan. Durante e evento lo tin un discurso di Esha mes, lo presente e arte visual di e CD nobo y lo por haya un parti di algun di e cancionan nobo di Esha.
Pa mas informacion di Esha por bishita su website www.eshaofficial.com of www.vimeo.com/190374