Lanta sin tata, tata biologico, ta algo cu a bira basta comun awendia. Mientras tanto esaki ta trece consecuencia doloroso, impacto grandi y trauma den bida di nos yiunan. Estudio ta mustra cu den famianan caminda tata ta ausente tin menos bon prestacion academico y mas problema di comportacion. Ausencia di un tata ta afecta e yui henter subida largo, den cada fase.
Lesando e buki aki por ta e prome paso pa tur cu a of ta lanta sin tata sa con pa deal cu e situacion. Sa e importancia di pordona. Con pa libera bo mes. E buki aki ta contene experiencia di diferente yiu cu a lanta sin nan tata.
E buki ta contene tip y conseho valioso pa asina yuda deal cu e situacion na un miho manera. Tambe tin conseho importante pa tata y pa mama cu separa, pa nan sa con ta e miho manera pa atende cu e situacion. Ademas e buki aki ta bon pa e mucha homber, teener cu ta desea di bira tata un dia. Pa e ta consciente kico rol di un tata ta den bida di su yui.
E buki aki ta contene experiencia di yiunan cu a lanta sin tata. Denise de Jongh, escritora y trainer/consultant, den colaboracion cu neurocicologo drs. Stephen Ebecilio, co-autor di e buki aki, ta duna splicacion y conseho encuanto e topicoaki.
Sra. Denise de Jongh lo ta na Van Dorp Dakota diasabra awor dia 28 di Januari, di 11’or a.m te cu 1.00 or p.m. pa presenta y firma su buki pa esunnan interesa.