STOCKHOLM, Suecia- E escritor Britanico di origen Hapones, Kazuo Ishiguro a wordo galardona diahuebs cu e premio Nobel di Literatura 2017, segun e pagina web oficial di e organisacion.
E Real Academia Sueco a galardona e escritor “kende den su novelanan di un forsa emocional increibel a descubri e abismo bou di nos sentido di conexion cu mundo ilusorio”.
Un vocero di e Academia a splica cu di biaha despues di e anuncio: “Si bo mescla Jane Austen y Kafka, bo tin Ishiguro. El a desaroya su mesun universo estetico. E ta explorando su mesun universo estetico. E ta explorando loke e mester lubida pa sobrevivi como un individuo y como un sociedad”.
Ishiguro a nace na Nagasaki, Hapon na 1954. Pero su famia a muda pa Reino Uni na 1960 door di e trabao di su tata. E escritor a haya nacionalidad Britanico na 1982.
Kazuo Ishiguro a skirbi ocho buki, tambe guionnna di cine y television. Su novela mas reconoci, “The Remains of the days (1989), a wordo traha den un pelicula, cu Anthony Hopkins y Emma Thompson como actornan principal.
Fuente: https://www.nytimes.com