Tomorrowland, un di e festivalnan di musica mas iconico di mundo, lo trece su legendario scenario nobo “CORE” na Medellin, Colombia, dia 11 y 12 di mei 2024. Hunto cu Breakfast Club, un di e promotornan di evento y cultura lider na Colombia, e fascinante festival di dos dia lo haci su debut cu un di e escenarionan mas atractivo di Tomorrowland den e bunita Jardin Botanico de Medellin, un paraiso tropical y un obra maestro arkitectonico ubica den curason di e di dos ciudad mas grandi di Colombia, caminda cu musica y naturalesa ta fusiona. Fin di siman pasa, e escenario nobo “CORE” a wordo revela na mundo memey di e selva di Tulum, generando fascinacion entre e fanaticonan di e musica rond mundo.
E inscripcionnan pa accede n’e prebenta ya ta habri a traves di core.world. Esaki lo cuminsa diamars, dia 6 di februari pa 10’or di mainta y lo dura te 72 ora te cu diahuebs, 8 di februari.
Dunando bonbini na 20 mil bishitante durante dos dia, Tomorrowland lo ofrece un experiencia unico entre e paisahenan selvatico fascinante di Jardin Botanico di Medellin, hincando e hendenan den e ritmonan nobo y emocionante escenario “CORE”. E luga aki ta alberga e Orquideorama impresionante, un edificacion forma pa structura modular di palo di 20 meter di haltura, rondona pa un maraviyoso oasis di naturalesa den curason di Medellin. Diseña y crea pa Tomorrowland, e ekipo creativo mundialmente reconoci di e festival, trahando durante mas di un aña riba e escenario nobo y emocionante “CORE” hunto cu un experiencia audiovisual espectacular, hibando bo na un nivel completamente nobo.
“CORE” a converti inmediatamente den un di e escenarionan mas iconico di Tomorrowland despues di su introduccion na Mexico y awo lo sigui apareciendo rond mundo cu actuacion special di e principal exponentenan di e musica house y techno, incluyendo dos fin di siman den e encantador boskenan di Tomorrowland na Belgica den 2024. E prome aparicion di “CORE” tabata n’e festival digital di Tomorrowland y a converti rapidamente den un di e faboritonan di e publico y den un clasico di Tomorrowland.
Breakfast Club tin un decada trahando den converti Medellin den un epicentro di e cultura den e continente a traves di musica, entregando experiencia cu un seyo di calidad unico den e ciudad y proyecto iconico manera Ritvales y La Solar Festival.