Kathmandu, NEPAL- Di awo padilanti Nepal lo duna e escaladonan di Mount Everest un gps ora cu nan bay subi e cero. Esaki lo mester facilita e trabaonan di rescate den caso di emergencia, pero tambe mester contra- aresta e claimnan falso tocante yegamento na e top.
P’aworaki esaki lo ta un prueba. Durante e temporada di escalamento, solamente algun shen persona lo haya un gps. Na April cu Mei ora cu miles di hende ta purba yega e top mas halto di mundo.
E señal di GPS ta pa por sigui e ruta di e escaladonan y pa por interveni na momento cu algo bay malo. Pero Durga Dutta Dhakal, na nomber di e gobierno di Nepal encarga cu turismo, ta clarifica tambe cu, esun cu kier haya un certificado oficial pa yegada na e top, lo mester por prueba esaki cu e datonan di gps.
Pa e pida papel ey tan codicia, aworaki un potret di e escalado riba e punto mas halto, mas un declaracion di un guia apunta door di gobierno ta suficiente. Pero e guia hopi biaha no ta escala e ultimo parti di e ruta, di manera cu escaladonan tramposo masha poco ta wordo gara.