LONDON, Inglatera – Un moneda di siglo I lo ta e unico imagen di Hesus cu ta existi te cu awe, di acuerod cu e investigado biblico Ralph Ellis.
Inicialmente, tabata pensa cu e cara riba e piesa lo a pertence na Rey Manu, di e reino di Edesa na Mesopotamia, pero di acuerdo cu estudionan di Ellis di casi 30 aña, rey Manu y Hesucrito lo ta e mesun persona.
Tambe e historiador a bisa e corant Ingles The Mirror cu e coincidencianan entre Manu y Hesus ta hopi, como ambos tabata Hudiu Nazareno cu a biba na Jerusalem durante siglo I y ambos tabata constitui un peliger pa e Romanonan, pues nan a encabesa revueltanan di e pueblo Hudiu di e epoca.
Ademas, Ellis a señala cu e homber inmortalisa riba e moneda di brons tabata conoci postumamente como e rey “Izas Manu” of como e rey “Hesus Emmanuel.” Riba e piesa por aprecia e perfil di un homber di cara barba cu loke ta parce un corona di sumpiña riba cabes y manera cu sa, Hesus tabata e unico preso forsa na uza uno durante su ehecucion.
E investigacion di Ellis a wordo publica den su buki “Jesus, King of Edessa” (Hesus rey di Edesa).
Apesar cu e representacion di Hesus como un homber caucasico di barba largo ta e figura mas pinta den arte occidental, den Bijbel no tin ningun descripcion fisico di e profeta.
Fuente: http://laopinion.com/