Apesar di su mal fama, e awacati ta un fruta hopi beneficioso pa nos organismo y ta yuda nos pa mantene nos sacia, alabes cu ta faborece e digestion.
Awacati hopi biaha sa wordo evita durante dietanan di baha peso pa su balor halto calorico. Y asina e ta, e fruta aki tin hopi caloria, pero su vetnan ta saludabel: e no ta gorda.
E ta un alimento saciante cu hopi proteina, cu hopi bon por substitui e proteinanan animal. E ta un opcion mas cu recomendabel, no solamente na ora di perde peso, sino tambe pa cuida nos salud.
Si nos ta mantene nos un bida saludabel y restringi nos e consumo di vetnan satura, nos por inclui cu trankilidad un awacati pa dia.
Y nos lo splicabo pakico.
E awacati ta acelera e metabolismo
E fruta berde aki, di sabor suave y delicioso, tin como virtud acelera nos metabolismo. Esaki lo bay haci cu e organismo ta wordo poni den funcionamento y ta kima energia.
Si ta bon, ta berdad cu come un awacati pa dia, lo aporta como entre 15 y 20 gram di vet, e tipo di vet lo bay yuda bo den tur e procesonan interno cu ta cuida di bo salud mientras cu bo ta perde di peso.
Un awacati pa dia ta mantenebo satisfecho.
E ta aporta cu vetnan monoinsatura of acido oleico omega 3, imprescindibel pa bo curason.
E ta un bon antiinflamatorio.
E ta ekilibra bo colesterol reduciendo e colesterol malo of LDL.
Awacati por substigui e proteinanan animal, cu lo cual, lo bo evita e vet peligroso aki cu a largo plazo lo afecta bo curason.
Cuida bo digestion y faborece e absorcion di nutriente
No duda di inclui un porcion di awacati den bo salada, hunto cu tomati y spinazie. Danki na dje, nos lo gosa di un digestion corecto y na su banda, su aporte den fibra lo cuida nos salud intestinal.
Nos ta evita barica cera y e retencion di likido.
Intestinonan mas limpi ta yuda nos pa e nutrientenan yega miho na e adernan.
Un awacati diario ta aporta te hasta 18 aminoacido cu lo bay cuida bo salud hepatico.
E awacati ta reforsa bo sistema imunologico
Nos no mester lubida nunca e importancia di inclui den nos dieta alimentonan vitaminico cu ta cuida di nos defensa y cu ta ofrece nos energia.
Awacati ta mustra di esey, dado su rikesa nutricional: Vitamina A, C, D, E, B-6, B12 y K, acido folico, retinol, beta-carotene.
Awacati ta actua ademas como acelerador nutritivo, es decir, danki na dje, ta facilita nos un optima absorcion di e otro nutrientenan cu loke nos ta compaña nos cu nos cuminda.
Awacati ta actua como un gran antiinflamatorio
Awacati tin propiedadnan antiinflamatorio danki na su acido oleico omega 3. Ademas, su nutriente y enzimanan metabolico, ta yuda nos no solamente na combati e retencion di likido, sino tambe den tur e procesonan aki:
Dolornan articular
Enfermedadnan reumatico
Inflamacion di higra
E awacati ta bon pa diabeticonan
Si bo ta padece di diabetes, come awacati cu trankilidad, danki na su accion pa controla e nivelnan di sucu den sanger.
Lo mas improtante, sin duda, lo ta pa evita combina cu awacati cu alimentonan cu ta contene zetmeel (carbohidrato) manera algun fruta, ya cu di e modo aki durante e digestion, e sucu presente den nan ta pasa via sanger.
Asina ta, den caso cu bo tin sucu of obesidad, awacati por ta un bon aliado pa cuida nos salud, semper y cuando nos ta compaña su consumo di habitonan saludabel.
Formanan di consumi awacati pa cuida nos metabolismo
Salada di selder, awacati, tomati, siboyo y mozarella
Ingrediente
½ awacati
5 tomati cherry
Un selder
Un poco di mozzarella
Un poco di siboyo corta chikito
E juice di ½ lamunchi
Binager di Modena of Balsamico
Preparacion
Nos ta cuminsa prepara, labando y cortando e selder y tomati cherry chikito. Nos ta sigui den obtene e mita di e awacati y nos ta cort’e tambe na bloki.
Ya den e tayo, solamente mester inclui e awacati, selder, siboyo corta, e tomatinan cherry, na e mozzarella na gusto.
Por ultimo, basha un tiki di e juize di lamunchi y binager di Modena of Balsamico. E ta dushi.
Batido berde rico den proteina
Ingrediente
½ awacati
½ appel
10 blachi di spinazie
Un banana
Un glas di bebida di aros (200ml)
Preparacion
E ta hopi facil pa prepara. E batido berde aki por sirbi nos di lunch of dinner, hasta e ta un rico desayuno. E ta dispone di multiple vitamina, mineral y vooral, proteina. Bo ta controla bo peso y lo bo sinti bo mes asina satisfecho pa cuid’e.
Na prome luga, nos ta pela e awacati y nos ta obtene e mita aki. Nos lo haci mesun cos cu e appel, cordando pa kita e curason.
Nos ta haci e spinazie limpi y nos ta pone den un blender, hunto cu banana, e mita appel y e mita awacati.
E hecho pa inclui e glas di awa di aros, lo bay ta algo hopi saludabel. E awa di aros ta nutritito, saciante, ta cuida nos digestion y ta un forma tremendo di potencia e sabor di e otro alimentonan.
Pone tur cos den e blento y lo bo obtene un batido hopi homogeneo y sin klompi. Lo bo wak con bon e ta sinti y con e ta permitibo sinti cu forsa pa cuminsa e dia of tambe pa substitui un cena light, si asina bo ta desea.
Fuente: https://mejorconsalud.com/