Dr. mr. Erwin Arkenbout ta bira e proximo representante di Hulanda na Aruba, Curaçao y Sint Maarten. Su nombramento ta drenta na vigor entrante 20 di september 2018.
Na e momento aki dr. mr. E.J. (Erwin) Arkenbout ta director Rechtsbestel na e ministerio di Husticia y Seguridad (Justitie en Veiligheid). Anteriormente, e tabata director di Relacionnan di Reino, director Bestuursrechtspraak na Raad van State y hefe Sector staats- en bestuursrecht na e ministerio di Husticia y Seguridad.
Erwin Arkenbout a studia ley y a ricibi su doctorado na Universidad Catolico di Nijmegen.
Como representante di Hulanda den Caribe, e ta sigui Henk Brons cu na juli ultimo a bira director general di Directorado Relacionnan di Reino den Ministerio di Asuntonan Interno y Relacionnan di Reino (BZK).