Diadomingo ultimo, dia 28 di November, e “Don’t Stop Believin’ 2 – Filipino Song Festival” a tuma luga den e Ballroom di Hyatt Regency. E tabata un diadomingo anochi ameno den compania di amigo, famia y conocinan. Una nochi yena cu talento, doorprize, divercion y alegria – den un solo palabra, un anochi cu ningun hende no tabata tin e gana di stop.
Consul Filipino na Aruba, hunto cu e Consul General, Ami Henriquez-Mendez y su staff, Romeo Kilayko Jr. Paul Cruz, Marie “Crisanta”, Martha Maita Hernandez-Jiao, kier a expresa nan gratitud na e 9 participantenan Rochelle Estuesta, Eris Jean Maestro, Tessa (Teresa Britten-Rios), Matel Buque Sabuero, Freddylene Navarro Paraan, Liezi Bilog, Jhanine Policarpio, Ned v/d Martijn Lacopia y Junior Ariola – nan a duna tur cu tin pa e disfrute di e audiencia.
Cu presentacion di invitadonan special tabata tey: Janil Grajo, Jaja Preche, Mini Star Bheia (Aya Angeles), Maricar Antioquia-Nieva, Mherz Hufalar, Gavin Eufemia, Evangeline Gemao, JIL Dance Group, Ohanaz Dancers, Juan Camilo y Cheryl Perez.
E 7 huesnan Roseanne Croes, Terence Sybesma, Stan Dabian, Edwin Abath, Addoncito Croes, Eric Donata y Ami Henriquez, tabata tin dificultad pa saca e miho di e anochi.
Ivo Yanez no por a presenta debi na rasonnan di salubridad, pero a priminti pa tin e 3 ganadonan participa pa su “Ivo for Live Songest” otro aña.
Y e ganadonan tabata Eris Jean Maestro – E campeon, Freddylane Paraan – prome finalista y Jhanine Policarpio, 2da finalista.
E otro premionan a bay na Ned Lacopia – miho show y Tesa Britten – Mas popular. Liezel Blog a gana e premio di FB Popular.
E comision kier a gradici tur nan sponsornan Annabelle Ramos di Harana Filipino Bar and Restaurant Aruba, Rina di Foodsarap Grillrestobararuba, Lenny di Ling & Sons, Nida Atienza di Digicel, Big Wheel Lottery, Sam’s by Manolo, Faro Blanco, Perce Hernandez di Hopi bon Grill, Rober Nieuw di Aruba Medical Supply, Yami-Yami/Asian Delight Restaurant, Lina Lana y tur e funcionario y miembronan di Filca.
y tur esnan cu di un of otro manera a contribui na e festival aki. Tambe finalmente Elite Productions, prensa y Hyatt Regency pa nan asistencia. Te otro aña pa e Battle of the Champions Songfest.
Mabuhay!!