E situacion den WEB NV no ta manera e ta pinta pafo pasobra e trahadonan ta trahando den un planta insigur na e momento aki segun Erick Henriquez, presidente di SIWA. E ta splica dicon nan a bay den accion diabierna mainta.
Awe mainta, loke a pasa ta cu tabata un acumulacion di aspectonan cu ta pasando den WEB. E sindicato ta haya cu e trahadonan no ta haya oido na nan preocupacionnan. Tin situacion di peliger pa den WEB. Aki ta caminda cu tur hende tin e idea cu na WEB ta un paraiso. Segun Henriquez, esaki no ta asina. E situacion ta desastroso cierto camindanan. Por duna ehempel, manera hasta WC nan sin bril y ainda nan tin cu haci nan necesidadnan. Ta un berguensa y ta inaceptabel. Te hasta nan mester tin suerte cu e trahadonan a bin bek paden. Ta algo cu mester a para pafo. Esaki ta e prome parti cu ta move y nan kier mira e partinan ey drecha. Despues a sigui cu arogancia, cu ta algo sumamente dificil pa deal cune. Pasobra e persona cu ta arogante, no ta ripara cu e ta arogante. E ta dificil. Nan practicamente no ta mira esey. Nan no ta siña di lesnan di pasado caminda cu arogancia a costa hende den WEB. nan ta den e mesun direccion. Ni con cu trece, ni con cu splik’e. Nan no ta compronde, e ora tin cu cuminsa haci e movecionnan na un otro manera y pa yega na wak si por drecha e cos aki. Si ta bay na e next move, y bay padilanti.
Dicon a warda
Segun Henriquez, tin un director relativamente nobo. Ta duna e beneficio di duda. A caba di sali for di un situacion tiki fastioso y cu tur respet pa esey y a bisa cu tin cu duna cierto espacio. A ripara cu e espacio ey a duna cu ta bek den Square One y tin cu haci algo pa mustra cu e cos aki no por cana asina. No ta bay duna mescos cu a haci manera e prome cinco añanan. Ta berdad cu nan ta laat, pero no ta bay warda cinco aña manera biaha pasa. Ta mas di 7 luna den funcion y di biaha ta gara e toro na su cacho y ta sigui e escala si tin cu escala.