Ya ta 10 aña caba cu Caribbean Sea Jazz ta treciendo e miho musica di Jazz cu artistanan internacional di taya den e genero aki. Segun Eric Jan Eman, di Purple Entertainment, nan ta hopi orguyoso pa yega 10 aña y Eman ta sinti cu e lo bay bira un bon edicion e aña aki.
Kico 10 aña ta nifica
Na cuminsamento e no tabata sa con leu esaki lo a bay. Pero toch tur hende a gusta y a trece bon lineup y cu apoyo di tur compania. Aparentemente esaki ta bon pa e isla.
Con grandi
Eric Jan Eman no sa si e lo kier bay mas grandi. Ainda e kier upgrade e calidad un tiki mas miho. Na Renaissance awor aki tin luga pa haya mas of menos 2000 hende pa bin presencia e show. E no kier crece asina lihe. E expectativa e ora ta bira hopi halto. Awor aki e lineup no ta mescos cu Corsou, cual expectation ta hopi mas halto. Ta busca bandanan bon cu ta pone bon ambiente, pero no perse superstars. Tin Cool & The Gang, Levie Silvana, Izalinne Calister, entre otro.
E organisacion ta logra nan meta cu e sponsornan. Nan ta sigui sponsor e festival aki. Pero e no ta asina grandi. E ta riba un nivel medium. E ta menos risico. E ta un evento toch basta placa pero no mester 5 pa 6 mil hende pa yega na 0. Mester di turista y esey nan ta haya, segun Eman.
Invitacion
E show ta cuminsa mañan. Por busca e carchinan na Superfood, Valero Boulevard y Essoville, Plaza Bookshop, Plaza Cafe, Moomba Beach, Palm Tours, Pelican Tours, The market y tambe na Alhambra Casino. Online tambe ta posibel na www.caribbeanseajazz.com. Nan tin e seccion di VIP y seccion general. Tin un bon bista riba e escenario. Tambe online por cumpra e carchinan di VIP y na Plaza Cafe y Plaza Bookshop.
Diabierna ta habri porta 6’or y 6’or y mey e prome banda ta cuminsa. Diasabra ta mesun cos.
Eric Jan ta gradici tur esnan cu a sponsor y esnan cu a sigui e trayectoria di Caribbean Sea Jazz durante tur e añanan aki.