ANKARA, Turkia – E presidente Turco, Recep Tayyip Erdogan, a ataca verbalmente Alemania, despues cu autoridadnan Aleman a cancela algun actividad cu miembronand i su Gobierno tabata tin programa den e pais aki, segun e agencia estatal Anadolu.
“Alemania! Bo no tin nada di haber cu democracia,” Erdogan, a bisa, cita pa Anadolu. “Bo practicanan reciente no ta diferente cu esunnan cu e Nazinan tabata haci.”
Segun e agencia di noticia, e minister di husticia, Bekir Bozdag, tabata tin premira pa haci un actividad den e ciudad Aleman di Gaggenau, cu a wordo cancela debi na preocupacionnan pa un aglomeracion. Otro acto di e minister di Economia Nihat Zeybekci tambe a wordo cancela na Cologne, debi na cuestionnan di siguridad, di acuerdo cu Anadolu.
Ambos evento ta enmarca den e esfuersonan di e Gobierno Turco pa logra apoyo pa e proximo referendum riba e Constitucion Turco. E cambionan proponi pa e partido e president eErdogan, e Partido Husticia y desaroyo (AKP), lo duna mas poder na e Ehecutivo y lo transforma e forma cu e pais ta wordo goberna.
Peter Altmaier, hefe di e gabinete di e Canciyeria Aleman, a cualifica e declaracionnan di e presidente Turco di ta “absolutamente inaceptabel,” den un entrevista dialuna riba television publico Aleman.
Fuente: CNN en Español