Por lo menos 30 studiante a yega Aruba den cuadro cu Erasmus Plus. No ta prome biaha tin studiante a yega nos isla como intercambio cu e studiantenan di nos cu tambe ta bay haya experiencia den exterior.
Tambe tin varios docente cu a yega di bay na varios pais Europeo p’asina pone nan mes na altura di e innovacionnan di enseñansa y durante e bishitanan aki varios tema di importancia ta wordo atendi.
Ultimo tabatin un grupo di docente cu a bay Islandia y asina ey cera conoci cu nan sistema di educacion.
E biaha aki, e studiantenan, procedente di varios pais Europeo manera Belgica, Austria, Portugal y Spaña a bin pa un siman di intercambio p’e proyecto di sostenibilidad Erasmus+ Deplastify the Planet (DTP).
Awe mainta nan a presenta na Colegio Arubano caminda cu nan a haya un presentacion y tambe a cera conoci cu prome minister Evelyn Wever-Croes.
Nos a combersa cu Jeff van Louvere fo’i Belgica, kende a splica cu e proyecto di awe ta pa percura cu tur hende ta consciente pa uza menos plastic di un solo uzo of purba reemplas’e cu alternativa, manera plastic reuzabel of otro tipo di cos.
Pa crea e mensahe ey nan a traha un ‘comic book of story’. Tur studiante por a bin conta nan storia n’e otro studiantenan.
E proyecto aki ta mustra hopi positivo, segun Van Louvere. E studiantenan di Spaña y Austria a traha e personahenan y tambe e dialogo. E storia ta casi cla. E siman aki lo purba di caba cu ne 100%.
Na final di e comic, tin algun pagina general, cual ta un call to action p’e studiantenan mes. E Conscientisacion dje uzo di e productonan aki lo ta miho y mas grandi y pa semper.
Eva Peters ta coordinado di e scol Belga a splica cu el a cuminsa skirbi e proyecto aki 3 aña pasa y a selecta tur e scolnan dje proyecto cu ta pensa cu conscientisacion hopi importante pa reduci plastic, tanto den riu como lama y esey ta great.
Esey ta un topico hopi importante di e proyecto. No solamente e comic, pero tambe e conscientisacion di e studiantenan di cada scol pa uza menos plastic na cas y na scol tambe.