Na EPI tabata tin e conferencia di prensa y Studentenraad SnS, Julissa Arends, PR
EPI Salubridad & Servicio a hiba palabra pa anuncia nan Fun Walk & Run pa celebra nan 25 aña. E meta di e fundraising aki ta pa por cumpra 10 set di instrument pa brassband EPI y nan uniform y 50% di e placa recauda ta bay pa instancia social.
E actividad lo tuma lugar dia 24 Jun 2023 di 7am cual lo cuminsa cu e inscripcion y pa 8am e caminata lo start, e salida di e ruta EPI gate 3, Venusstraat, De La Sallestraat, Seroe Blanco, Watty Vos Blvd (pad), Meiveld, Rotonde Tarabana, Caya Betico Croes, Rotonde Marathon, De La Sallestraat, bek Venusstraat EPI gate 3.
Riba e ruta tin 1 stop pa awa, esey ta na rotonde Seroe Patrishi y na final lo tin un fruta (apelisina of patia) y awa.
E premionan lo ta cash; pa e rutanan individual pa e prime lugar Awg 200,-, na e di dos lugar Awg 150,- y na e di tres lugar Awg 100,-. Pa lo cual ta trata e Walk individual e premio ta pa prome luga Awg 200,-, na e di dos luga Awg 150,- y na e di tres Awg 100,- y pa e premio di grupo di 5 hende e premio ta bira Awg 1.250,-