Comienso di februari di e aña aki Departamento di Aduana Aruba y Aruba Trade & Industry
Association (ATIA) a start cu un curso pa Declaranten cu ta traha cu brokers, importeurs y inklaringsagenten. E curso a start cu 22 cursista y tabatin un duracion di 4 luna.
E curso tabata compact y tabata contene tur locual un Declarant mester ta na altura ora
di declara mercancia entre otro pidi exoneracion di impuesto, bay den bezwaar y pidi
restitucion na Aduana. Di e 22 cursista 20 cursista a logra termina e curso cu exito. E tres cursistanan cu a termina e curso cu miho puntuacion ta:
1. Sra. Yessica Gomez Ruiz di Superfood,
2. Sr. Ulrich Kelly di GASA y
3. Sra. Vanessa Chatlein-Jones di E.G.L. Logistic
Departamento di Aduana Aruba y ATIA ta gradici tur e cursista pa y alabes deseanan tur clase di exito den nan carera como Douane Declarant certifica. Un agradecimento special ta bai na tur docente, hoofd y secretario cu a hasi e curso Douane Declarant aki posibel y e personal atento di ATIA cu a zorg pa e logistica y preparacionnan necesario pa e lesnan.
E siguiente curso ta planea pa start e di dos mita di augustus venidero. Pa mas informacion y pa inscribi por tuma contacto cu Aruba Trade & Industry Association (ATIA)