Despues di dos luna, awe a entrega e proyecto di mantencion na e espacionan publico di e museo di arqueologia na Ecury Complex.
E Proyecto a wordo financia pa TPEF y ministerio di Cultura. Ehecucion tabata den man di Freman Construction. Directora di Monumentenbureau ta gradici Minister di Cultura, Xiomara Ruiz-Maduro, Minister di Turismo, sr. Dangui Oduber, TPEF, Freman Construction & Maintenance N.V. y full su team na Monumentenbureau pa prepara y guia full e Proyecto.
E airconan tambe a wordo drecha dor di A.C.C. Aruba Climate Control N.V. y awo falta ainda pa drecha algun exposicion pa asina pronto e museo por habri su portanan pa publico.