Bureau City Inspector (BCI) un departamento cu diariamente ta hopi activo atendiendo diferente notificacion di casonan rond Aruba awor lo por move mas miho y funciona mas eficiente! Pa haci nan trabao mas eficiente, Hertz Leasing a haci entrega di e dos prome pick up nan na Bureau City Inspector.
Sr. Giovanny Kelly di Hertz Leasing Aruba bisa cu ainda nan falta pa haci entrega di dos pick up mas, cu ta e modelonan nobo di E Colorado, cu Hertz a haya e gunning pa Bureau CIty Inspector. Como Hertz Leasing, Sr. Kelly a sigui bisa cu semper nan ta purba contribui na e pueblo di Aruba door di entrega autonan cu ta eficiente cu ta haci e trabao y cu semper ta movibel. Ora cu e auto mester bay service, nan ta haya un otro auto na su luga, pa asina e trabao por continua. Esey ta importante pa Hertz.
E autonan en cuestion ta autonan 4×4 turbo diesel y nan por yega na tur e costanan di Aruba, cu nan por yega den caso cu mester duna asistencia, segun Sr. Giovanny Kelly, di Hertz Leasing.