Divi Divi Air a anuncia cu, entrante prome di juli 2024, e bishitantenan cu yega Aruba via aereo, mester paga un “Sustainability Fee” di $20. E iniciativa aki ta diseña pa financia diferente proyecto destina pa mehora y fortalece e esfuersonan di sostenibilidad riba e isla.
Kendenan no mester paga e tarifa aki?
Cierto grupo no mester paga e Sustainability Fee aki, cu ta inclui:
* Residente di Aruba
* Mucha menor di 8 aña
* Repeat guests cu a paga e tarifa durante e mesun aña calendario
* Studiantenan Arubiano cu por proba cu nan ta studia den exterior y por mustra cu nan tabata residente den e ultimo 8 aña
Pago y proceso di ED-Card
E Sustainability Fee lo wordo cobra a traves di e plataforma online di Embarkation Disembarkation Card (ED) ora cu e biaheronan completa nan ED Card pa drenta Aruba. E website p’e proceso aki ta https://edcardaruba.aw.
Completa e ED-Card ta obligatorio
Tanto e residentenan como e no-residentenan mester completa e ED-Card prome cu check-in. Esaki ta sigui ta un rekisito obligatorio pa tur biahero cu drenta Aruba.