Entrante Februari lesamento di meter di awa lo pasa tur dia y den 30 dia tin cu cumpli cu e pago

Sra Asja Dongen di Web Aruba Nv a duna di conoce cu e prome biaha cu publico ta bay ripara e cambio den e sistema di recibo ta bay ta e cuentanan di awa pa Februari 2020 y lo tin un ultimo fecha di pago tur luna. Nos a custuma cu tur 8 di luna ta e ultimo fecha pa paga y cu e cuenta di awa ta caduca. E cambio ta bay trece cune cu a pa cada cuenta di awa di cada cliente cada luna, y esei ta depende ki dia ta lesa e meter di e cliente na cas y Web lo procesa e recibo den 3 dia pa e keda reparti y 30 dia despues ta e fecha cu mester paga e recibo y nos tur tin cu custuma cune. Sra Asja a informa cu for di aña pasa November a cuminsa anuncia esaki y tur hende a haya un flyer den nan post na cas y ta informando den media tambe.

Ta asina cu e cliente lo ripara cu lo haya e cuenta di awa separa cu e cuenta di coriente, y normalmente bo ta haya tur dos pega na otro pero awor cu ta cobrando fechanan apart e lo haci cu bo ta haya cuenta di awa separa. Tur esaki ta pasobra Web Aruba Nv lo bay lesa meter di awa tur dia di trabou di luna. Antes nos tabata lesa algun dia di luna so tur e meternan na Aruba y e ora ey bo ta haya un ultimo fecha di pago.

Consecuencia di esaki bo ta hayabo cu un rij largo di hende te pafo y no ta husto cu hendenan mester warda hopi pa haci nan pago di awa, y pa reparti e drukte aki un poco unda ta 50 mil meter di awa ta lesa esaki ta haci cu ta reparti e drukte cu e personanan tin menos di para den rij y a bin cu e cambio aki den e sistema aki. Antes e termino di pago di cuenta di awa ta entre 40 pa 54 dia, y awor aki pa Web cumpli cu e standard tanto local y internacionl a pone esaki como 30 dia. Asina cu bo haya bo cuenta di awa di Februari 2020 tin cu keda paga na Maart 2020, y e consumi di Maart tin cu page na April 2020. Pa haci e transicion di e sistema nobo y bieu, na luna di Maart ta bay tin dos cuenta di awa. Cu ta e consumi di Januari lo tin cu keda paga 9 di maart y e consumi di Februari debi cu ta lesa tur dia tin cu keda paga den luna di Maart. Den e recibonan nobo lo aparece e ultimo dia pa paga e cuenta di coriente cu ta depende ki dia nan a lesa e meter di awa na cas.

Sra. Asja a menciona si esnan cu no kier warda te ora nan recibo yega, entrante 1 Maart 2020, por mira esaki Online via www.webaruba.com y click na WebCare y eynan yena e informa y bo ta haya bo recibo online.

Comments

comments