Departamento di Aduana ta continuamento inovando pa asina mehora servicionan na su clientenan.
Pa e motibo entrante 1 di Februari venidero Departamento di Aduana lo bay scan un parti di e containernan na e waf di Barcadera.
E containernan cu lo pasa e control via di e containerscan lo wordo selecta door di Departamento di Aduana. Den caso cu e containerscanner encontra niun iregularidad, e cliente lo por bay cu su container na e destino pa e wordo descarga sin tin necesidad di un control fisico. Esaki ta nifica cu e proceso pa saca container lo cana hopi mas lihe pa e clientenan y comercio. Demas actividadnan riba waf lo no wordo stroba door di e proceso di scan containers. Clientenan lo wordo notifica na tempo na momento cu Aduana selecta nan container pa pasa door di e containerscan.
Departamento di Aduana ta pidi tur cliente y en especial truckdrivers/haulers pa coopera cu e proceso di containerscan cu lo inicia dia 1 di Februari venidero.