Dia 1 di maart 2019, Serlimar lo cuminsa cu e cobransa. Nan ta finalisando tur e stapnan pa yega na e parti di e factura mes. Pero ta cumisna cobra dia 1 di maart.
Sra. Twyma van der Biezen, vocero di Serlimar, a splica cu e tarifa residencial ta Afl. 25,- . Esey ta pa tur punto di coleccion cu ta ricibi servico di Serlimar y tin un container di Serlimar. E Afls. 25, – aki ta pa luna. E pago por tuma luga pa luna, kwartaal, pa aña pa yega na un suma di Afl. 300,-, y por wordo paga na tur oficina di Serlimar (Tanki FLip, San Nicolas y pronto Pos Chikito). Tambe por haci’e via online banking, tin e local payment cu tin e adres ariba dje, y tambe via standing order. Ta trahando pa clientenan lo por paga via e MFAnan.
E suma aki ta pa aporta na hopi mas, cu solamente e coleccion di sushi, cu ta e pensamento di hopi hende. E comunidad lo bay contribui na diferente otro proyecto y desaroyonan cu Serlimar ta haci relaciona cu maneho di desperdicio na Aruba. Lo contribui na e parti y desaroyo di mantencion di Aruba limpi. Mantencion bo bario, esaki ta un proyecto hopi grandi. E ta algo cu hopi hende no sa di dje, y Serlimar tin actualmente tin 52 ploeg, pa full Aruba pa mantene Aruba limpi. Cu e contribucion aki tambe pa e personanan aki por sigui haci nan trabao na un forma mas efectivo. E otro lo ta pa contribui tambe na e proyecto di milieustraat, cu ta sosodiendo un bes pa aña cu ta pa tur districto di Aruba. Pero e contribucion lo por haci posibel pa haci e milieustraat mas grandi ainda y mas cu un bes pa aña.
Un otro parti di e contribucion ta e parti di servicio cu ta wordo brinda caba, pero cu lo bay bira den un forma mas structura, cu ta e parti coleccion di animal morto, cu ta haciendo on call actualmente. Pero pa esaki ta solamente dos ploeg, cu ta cuater persona cu ta on call, pa haci e trabao aki. Cu e contribucion di Afls. 25, – por yuda tambe den e desaroyo di servicio cu Serlimar ta brindando caba aworaki na su clientenan. Ta bezig tambe ta evalua pa bin cu servicionan manera e mantencion y limpiesa di e containernan residencial. Esaki ta algo cu tin hopi peticion pe na Serlimar.
Tambe ta bay tin diferente categoria di dispensacion, di nultarief of e tarifa reduci, pero esaki Sra. Van der Biezen lo duna mas informacion segun dianan ta yegando. Pa loke ta e leynan existencia, aworaki tur cliente cu ta hayando servicio di p.e. Ecotech, of cualkier otro compania residencial, nan ta cay den e grupo cu ta haya dispensacion pa e Afls. 25, -. Pero esaki mester wordo comproba tambe. Pa 1 di maart, e persona mester bay oficina di Serlimar, pa haya e dispensacion di e tarifa residencial. Si e persona no por proba cu e ta haci uzo di un otro compania, e lo wordo cobra e Afls. 25, – pa tarifa residencial.
Si en caso un persona no kier paga pa e servicio aki, den pasado Serlimar a maak mee difernete otro factornan cu a contribui na esaki. P.e. tabata tin hopi otro friccion pa loke ta trata e contribucion y no a introduci esaki na un forma corecto. E biaha aki Serlimar ta dunando hopi mas informaicon pa locual e direccion cu Serlimar kier bay pa loke ta maneho di desperdicio. Pero naturalmente mester bin cu’n solucion, pa loke ta Parkietenbos y tambe e parti di baleing, cu ta un proceso temporal. E no ta algo permanente y no por sigui procesa tur desperdicio asina ey. Dus, mester bin cu’n maneho di desperdicio en general na Aruba. Nos tur ta acumula desperdicio di un forma of otro. Asina cu e contribucion aki por yega na e desaroyo mas moderno, pa asina bin cu’n maneho di desperdicio sostenibel y responsabel tambe na Aruba. Esey ta importante di e tarifa residencial aki.
Desde 1 di maart, por cuminsa paga esaki. Asina ta cubri e restante lunana di aña y pa 2019 lo conta entrante maart te cu december. Esey ta Afls. 25,- pa luna y e cliente ta dicidi con ta pag’e y na ki forma. Serlimar lo bin cu campañanan di incentivo pa luna y e cliente ta importante.
Nos tur como comunidad, ta aporta na un forma of otro, na acumulacion di desperdicio. P’esey Serlimar lo bin cu’n campaña di incentivo tambe pa hendenan cu ta haci esfuerso y bin paga e suma aki. E ta algo hopi importante, y manera ya a bisa, nos tur como comunidad ta contribui na un forma of otro na acumulacion di desperdicio.