Entrante 1 Augustus lo controla tur cas di cuido si nan tin permiso

Frances Rugebregt di Inspectie Volksgezondheid Aruba durante un entrevista a splica cu tin hopi inspeccion cu ta tumando luga unda ta bishitando e casnan di cuido. A haci e bishita dos biaha durante aña pasa y tur biaha a haya un rapport di inspeccion cu cosnan cu mester drecha y e di dos rapport cu mester traha riba dje cu tin e coreccionnan mester tin esaki cla pa 1 Augustus. Tin hopi cos cu mester wordo mehora prome cu e fecha. Tur cas di cuido mester tin un permiso pa 1 Augustus y e garantia cu nan ta duna e servicio y lo keda controla esakinan constant.

Na e momentonan aki IVA ta bezig cu diferente instancianan, departamento social, dvg y bureau di Minister y kico ta e plan di accion cu mester bin cune. Despues di e fecha aki lo bay na ceramento di cas, e no lo bay ta mes ora pero lo bay.

Famianan mester bay ta prepara pa e cas di cuido cu no ta registra y lo bay tuma contacto cu e famianan con pa delibera e situacion, pero e situacion di cera un cas di cuido no lo bay pasa un dia pa otro cu ta sere den un dia y tin hopi cos tin cu tene cuenta cune.

Ta pidi pa tur famia cu bishita nan ser keri na un cas di cuido controla rond di e luga, combersa cu e ser keri si bo wak algo robes aserca nos na IVA, of e departamento di ouderenzorg na DVG of na Departamento Social y haci e keho.

Comments

comments