Willemstad Curacao: Djabièrnè 24 di novèmber 2023, alrededor di 05.00’or di mainta, personal di Divishon di Krímen Organisá a tene entrada hudisial den Kaya Neblina.
E entrada hudisial ta den kuadro di investigashon penal ku ta andando relashoná ku un kaso di menasa ku arma di kandela. Durante di e investigashon a haña i konfiská kantidat di droga. Na e sitio a detené e hòmber J.J.B., 33 aña di edat, nasé na Kòrsou, relashoná ku e kaso ariba menshoná.
A presentá e sospechoso dilanti un fiskal ouksiliar ku a ordená enkarselamentu di e sospechoso pendiente di mas investigashon.
Imagen: Direct Media Canal 13.